पुरेचाकुलं विश्वख्यातिं सुनेतुं
यया स्वीकृतं जन्म तस्मिन् कुटुम्बे ।
सदा संस्कृते भारते प्रीतिरस्या
जनैर्नम्यते त्यागशीला सुसन्ध्या ।।1।।
यदि ग्गुर्जरी मातृभाषा हि तस्याः
तथापि 'मराठी' सलीलं वदन्ती ।
यथा जन्मभूमिस्तथा कर्मभूमिः
तया नम्यमाना महाराष्ट्रभूमिः।।2।।
सुनृत्यस्य बीजं हि पित्रैव दृष्टम्
अतः पार्वतीपुत्रमानीय तेन ।
सदा प्रेरणानीतिविश्वासमायो
बहु स्मर्यतेऽयं
तया तस्य भावः ।।3।।
सदा नाट्यशास्त्रं गुरोर्या पठन्ती
कृतो रङ्गमञ्चे सशास्त्रः प्रयोगः ।
यया जीवनं नृत्यकार्याय दत्तं
नमो नाट्यवर्ये नमः कोटिवारम् ।।4।।
सुनाट्यं हि प्राणाः सुनाट्यं च हृद्यं
तया जीवनं नाट्यकार्याय दत्तम् ।
अतः शासनेनापि सम्मानिता या
नमो नाट्यवर्ये नमः कोटिवारम् ।।5।।
गुरुं चानुगम्या गुरुप्रेमरम्या
गुरुस्तोत्रगीता गुरुं स्मर्यमाणा ।
सदानन्दलीना चिदानन्दमग्ना
नमो मातृरूपे गुरुस्थानगम्ये ।।6।।
सदा भावगम्या सुसंस्कारजन्या
मुदा शिष्यरम्या हृदा शिष्यरम्या ।
तपोतेजसा या भुवि राजते हि
सदा वन्दनीया गुरुः सा सुसन्ध्या ।।7।।
।।इति श्रीहरिविरचितं सन्ध्यासप्तकं सम्पूर्णम् ।।
Post a Comment