Showing posts with label स्तोत्रगंगा. Show all posts
Showing posts with label स्तोत्रगंगा. Show all posts

Friday, 1 July 2016

।। रक्षासप्तकम् ।।


विनयामृतधनगोधनचन्दन वादय मुरलिं मधुमधुरम् ।(30)
गोपचित्त आयाहि तु हृदयं
च सुक्षीरसागरतः ।।1।।(28)

कलियुगमानवमदने लुप्ता नारी जाता तु भ्रष्टा ।(30)
तारक एहि दीनजनानां त्वं सुक्षीरसागरतः ।।2।।(28)

विश्वेऽस्मिन् किं प्रचलति सर्वे कामार्थं प्रति धावन्ति ।(30)
धर्ममोक्षकारणाय एहि
रे सुक्षीरसागरतः ।।3।।(28)

त्यागेन हि संस्कृतस्य सद्यः संस्कृतिर्गता च संकृतिम् ।(30)
संस्कृतेस्तु रक्षणाय एहि
रे सुक्षीरसागरतः ।।4।।
(28)

न्यूना वृक्षा जलमपि न्यूनं न्यूनं सृष्टेर्वैभवम् ।(30)
पूर्वं हाहाकारादेहि
रे सुक्षीरसागरतः।।5।।(28)

त्वमेव रक्षणकर्तास्माकं पालकः सर्वभूतानाम् ।(30)
स्वधर्मस्य पालनाय एहि
रे सुक्षीरसागरतः।।6।।(28)

अन्यथा न मे शरणं कोऽपि त्वं हि त्राता सर्वेषाम् ।(30
)
  भक्तानां रक्षणाय एहि रे सुक्षीरसागरतः।।7।।(28)

।। इति श्रीहरिविरचितं रक्षासप्तकं सम्पूर्णम् ।।

।। रक्षासप्तकम् ।।

Sunday, 17 April 2016






अयि सुखवर्षिणि दुःखनिवारिणि पापसुनाशिनि जाड्यहरे

सुरवररक्षिणि घोरतपस्विनि शम्भुविलासिनि मान्यशिवे ।

नरगणपालिनि साधुवरार्चिनि दैत्यभयंकरि पुण्यपरे

जय वरदे गणराजसुतोषिणि षण्मुखपोषिणि शैवरते।।1।।

।। उमासप्तकम् ।।

Saturday, 9 April 2016

।। रेखासप्तकम् ।।
https://blogger.googleusercontent.com/img/b/R29vZ2xl/AVvXsEgpGY0fXHIPsflBTR8e4GDi-jwozka3UsWC-Xzt12dP1Vn8xtoS7cSrQ4V-ONSr6HRdBo2Uououf1hLmXVRAZFuntJ54AmsKQUccKVQhJ9BKlaBLeI7BJ3PXT0kQNCfrLg7wopjxYLPKrI/s1600/sector3254015.jpg

कलाप्रीतिरस्या हि नृत्येऽपि गीते
यया गुर्जरीमातृभाषा सुलेभे ।
तथाप्युर्दुहिन्द्याङ्ग्लभाषाप्रभुत्वं
नमो भाग्यरेखे नमः कोटिवारम् ।।1।।

https://media.licdn.com/mpr/mpr/shrinknp_200_200/p/2/000/109/1bc/362697c.jpg

सदा कार्यकौशल्यराज्ञी प्रसिद्धा
मुदा लब्धनीतिः सुवाचि प्रभुत्वम् ।
सदा राजते शारदा तन्मुखे हि
नमो भाग्यरेखे नमः कोटिवारम् ।।2।।


सदा नम्रवाणी सदा पथ्यभाषा 
सुधाया निवासः सदा मोदजिह्वा ।
ऋतं नित्यसूक्तं प्रियं वाऽप्रियं वा 
नमो भाग्यरेखे नमः कोटिवारम् ।।3।।


गुणग्राहिणी या गुणश्राविणी या
सदा योजिका या सदाऽऽयोजिका या ।
अयोग्यो न कोऽपीति तन्मूलमन्त्रं
नमो भाग्यरेखे नमः कोटिवारम् ।।4।।

https://blogger.googleusercontent.com/img/b/R29vZ2xl/AVvXsEilUJ37cGamS3_Gq9-wrjij8FZ2BfO7AEu3sa2X5Sb8gDXr1I-NIGTv97vQ5lKdbcNfrbLerp5tlvbHNRxv8LSH7tMm0VEJBgmEIdthtiUMNBnQEJkX6Itq8VGBOCOy2AVOynXsJmYmYFE/s1600/20150923_082342.jpg

सुहास्या सुनेत्री विनम्रा सुशीला
सुलेखा सदा ध्येयपन्थानुगम्या ।
जनानां हृदि प्राप्तमाना सदैव
नमो भाग्यरेखे नमः कोटिवारम् ।।5।।


ध्येयाकाशी प्रसन्ना बहुगुणनिलया सात्त्विकाहारभोजी
शुद्धाचार्या च काये मनसि वचसि या साधुकर्मानुगम्या ।
नित्यं न्याय्यानुमार्गी नमितखलजना सर्ववादान् जयन्ती
आदर्शा प्राप्तविद्या  गणपतिविनता मातृरूपे नमस्ते।।6।।


नेतृत्वगुणसंपन्ना कलावाङ्मयसाधिका ।
प्राचार्या मातृरूपेण विद्यालये विराजते ।। 7।।


।। इति श्रीहरिविरचितं रेखासप्तकं सम्पूर्णम् ।।

।। रेखासप्तकम् ।।

Tuesday, 5 April 2016

वृत्तम् = पादाकुलकम्।

वदनं वसनं वचनं वहनं नमनं शमनं गमनं दमनम्।
तरणं वरणं हरणं करणं गणनायक ते निखिलं शरणम् ।। 1 ।।



नृत्यं कृत्यं गोत्रं स्तोत्रं वाद्यं खाद्यं पाद्यं पानम्।
ध्यानं ज्ञानं गानं दानं गणनायक ते निखिलं शरणम् ।। 2।।

हस्तौ पादौ कर्णौ नाभिस्स्कन्धौ जिह्वा घ्राणं हृदयम्।
उदरं नेत्रे शुण्डा दन्तौ गणनायक ते निखिलं शरणम् ।। 3 ।।

नीतिश्शुद्धी रीतिस्सिद्धिर्बुद्धिश्शक्तिर्युक्तिर्माया।
पुष्टिस्तुष्टिर्दृष्टिस्सृष्टिर्गणनायक ते निखिलं शरणम् ।। 4 ।।

भाले चन्द्रो हस्ते शूलः कण्ठे माला पादे पुष्पम् ।
अस्त्रं शस्त्रं पीतं वस्त्रं गणनायक ते निखिलं शरणम् ।। 5 ।।


।।इति  श्रीहरिविरचितं श्रीगणेशपञ्चकं सम्पूर्णम् ।।

।। श्रीगणेशपञ्चकम्।।


सरस्वती मुखे यस्याः सिद्धिबुद्धिप्रदायिनी ।
पापतापदुःखहर्त्रीम् उमानन्दं गुरुं भजे ।।1।।


महायोगिनी ह्येकमेवाद्वितीया
लसत्स्वामिनी योगपन्थानुगम्या ।
शिवानन्दवासः सुभाति सदा ते
उमानन्द मामुद्धर त्वं गतिर्मे ।।2।।

शिवं मार्गगम्या जपध्यानयोगैः
रता कुण्डलिन्याः सुशक्तौ च नित्यम् ।
मुखे राजते तत्प्रभा सात्त्विकी या
चिदानन्दशीला परब्रह्मरम्या ।।3।।

जटाभारशोभा महायोगलक्ष्मी
सुहास्यानना भक्तदीक्षां ददाति ।
तया योगशक्त्या सुदैवं कृतं हि
महद्वन्दनीया उमानन्दवर्याः ।।4।।

सदा भक्तरम्या सदा भक्तिगम्या
मुदा सर्वभक्तेच्छपूर्तिं करोति ।
सुसूक्ष्मादिरूपेण व्याप्तं च विश्वं
उमानन्दवर्ये नमः कोटिवारम् ।।5।।

।।इति श्रीहरिविरचितं श्रीउमानन्दपञ्चकं सम्पूर्णम् ।।


।। श्रीउमानन्दपञ्चकम् ।।

।। मह्लारपञ्चकम् ।।

जयं देहि मार्तण्ड धान्यं सुपुत्रं
कृपा ते सदा वर्षतु क्षेमसौख्यम् ।
तव प्रार्थना सर्वकामान्ददाति

नमो जेजुरीवासिमह्लार पाहि ।।1।।


महाराक्षसेभ्यो मनस्तापदायी
महादैवतेभ्यो भृशं मोददायी ।
महासाधकेभ्यश्चिरं मोक्षदायी
नमो जेजुरीवासिमह्लार पाहि ।।2।।



हरिद्रा हि ते भालदेशे सुभाति
हता येन शुंभादिदैत्या रणेषु ।
हृदा शोभते म्हाळसादेव नित्यं

     नमो जेजुरीवासिमह्लार पाहि ।।3।।



ललाटे च सा बालचन्द्रस्य शोभा
ललामस्य ते कान्तिरेवाद्वितीया।
लतापुष्पपूज्या सुमूर्तिस्त्वदीया

नमो जेजुरीवासिमह्लार पाहि ।।4।।



रविश्चन्द्रमा देवताः स्तूयते यो
रमेशादिभूतादिसामर्थ्यदाता ।
रतो नित्यभक्तेच्छपूर्तौ सदा हि

नमो जेजुरीवासिमह्लार पाहि ।।5।।


मह्लारपञ्चकमिदं यः पठेत् शृणुयादपि ।
स प्राप्नोति चिरं सौख्यं शिवलोकं च गच्छति ।।6।।


।। इति श्रीहरिविरचितं मह्लारपञ्चकं सम्पूर्णम्।।
              
                        यळकोट यळकोट जय मह्लार !!

।। मह्लारपञ्चकम् ।।


।। देवीप्रसादपञ्चकम् ।।



कदाचिन्न कुर्यात्स दुष्टाभिमानः
सदा नम्रभावेन कार्यं करोति ।
जिताः सर्वलोकाः स्ववाचा हि येन
स देवीप्रसादः सुलब्धो नतेन ।।1।।

सदा नम्रवाणी मुखे राजते सा
सदा सुष्ठु हास्यं मुखे शोभते वा।
सदा यो हि कामादिशत्रूंश्च हन्ति
स देवीप्रसादः सुलब्धो नतेन ।। 2।।

सदा सर्वशास्त्रेषु नित्यं रतो यः
सदा गर्भसारो ह्यधीतश्च येन ।
सदा चिन्तने यस्य दानादिसर्वम्
स देवीप्रसादः सुलब्धो नतेन ।।3।।

सदा गर्वभारः सदा दर्पवाणी
सदा दुर्विचारः सदा सर्पशीलम् ।
सदा शून्यधर्मः सदावैधकर्म
स देवीप्रसादः सुलब्धो न तेन ।।4।।

सदा चार्पिताः सर्वभावा हि येन
सदा चार्पिताः सर्वकामा हि येन
सदा सिद्धकर्मा सदा ज्ञातधर्मः
स देवीप्रसादः सुलब्धो नतेन ।।5।।



।। देवीप्रसादपञ्चकम् ।।

 
SANSKRIT SHREE: © 2015 - Blogger Templates Designed by Templateism.com