।। मह्लारपञ्चकम् ।।

।। मह्लारपञ्चकम् ।।

जयं देहि मार्तण्ड धान्यं सुपुत्रं
कृपा ते सदा वर्षतु क्षेमसौख्यम् ।
तव प्रार्थना सर्वकामान्ददाति

नमो जेजुरीवासिमह्लार पाहि ।।1।।

महाराक्षसेभ्यो मनस्तापदायी
महादैवतेभ्यो भृशं मोददायी ।
महासाधकेभ्यश्चिरं मोक्षदायी
नमो जेजुरीवासिमह्लार पाहि ।।2।।

हरिद्रा हि ते भालदेशे सुभाति
हता येन शुंभादिदैत्या रणेषु ।
हृदा शोभते म्हाळसादेव नित्यं

     नमो जेजुरीवासिमह्लार पाहि ।।3।।

ललाटे च सा बालचन्द्रस्य शोभा

ललामस्य ते कान्तिरेवाद्वितीया।

लतापुष्पपूज्या सुमूर्तिस्त्वदीया

नमो जेजुरीवासिमह्लार पाहि ।।4।।

रविश्चन्द्रमा देवताः स्तूयते यो
रमेशादिभूतादिसामर्थ्यदाता ।
रतो नित्यभक्तेच्छपूर्तौ सदा हि

नमो जेजुरीवासिमह्लार पाहि ।।5।।


मह्लारपञ्चकमिदं यः पठेत् शृणुयादपि ।
स प्राप्नोति चिरं सौख्यं शिवलोकं च गच्छति ।।6।।

।। इति श्रीहरिविरचितं मह्लारपञ्चकं सम्पूर्णम्।।
              

                        यळकोट यळकोट जय मह्लार !!