।। रेखासप्तकम् ।।

कलाप्रीतिरस्या हि नृत्येऽपि गीते
यया गुर्जरीमातृभाषा सुलेभे ।
तथाप्युर्दूहिन्द्याङ्ग्लभाषाप्रभुत्वम्
नमो भाग्यरेखे नमः कोटिवारम् ।।1।।

सदा कार्यकौशल्यराज्ञीति ज्ञाता
मुदा लब्धनीतिः सुवाचि पटुत्वम् ।
सदा राजते शारदा तन्मुखे हि
नमो भाग्यरेखे नमः कोटिवारम् ।।2।।

सदा नम्रवाणी सदा पथ्यभाषा 
सुधाया निवासः सदा मोदजिह्वा ।
ऋतं नित्यसूक्तं प्रियं वाऽप्रियं वा 
नमो भाग्यरेखे नमः कोटिवारम् ।।3।।

गुणग्राहिणी या गुणश्राविणी या
सदा योजिका या सदाऽऽयोजिका या ।
अयोग्यो न कोऽपीति तन्मूलमन्त्रं
नमो भाग्यरेखे नमः कोटिवारम् ।।4।।

सुहास्या सुनेत्री विनम्रा सुशीला
सुलेखा सदा ध्येयपन्थानुगम्या ।
जनानां हृदि प्राप्तमाना सदैव
नमो भाग्यरेखे नमः कोटिवारम् ।।5।।

ध्येयाकाशी प्रसन्ना बहुगुणनिलया सात्त्विकाहारभोजी
शुद्धाचार्या च काये मनसि वचसि या साधुकर्मानुगम्या

नित्यं न्याय्यानुमार्गी खलजननमिता सर्ववादान् जयन्ती
आदर्शा प्राप्तविद्या  गणपतिनता मातृरूपे नमस्ते।।6।।

नेतृत्वगुणसंपन्ना कलावाङ्मयसाधिका ।
विद्यालयस्य प्राचार्या मातृरूपेण राजते ।। 7।।

।। इति श्रीहरिविरचितं रेखासप्तकं सम्पूर्णम् ।।