।।गौरीस्थिता हि माधुरी ।।

।।गौरीस्थिता हि माधुरी ।।
                                             -  श्रीहरिः     

        

 
कुत्र गच्छामि स्वर्गाद् भोः माधुरी वदति शिवम् ।
शिवेनोक्तं विनायासं गच्छ त्वं पृथिवीतलम् ।।1।।

वेदमग्ना सदालीना या सदा संस्कृते रता ।।
तस्यां मुखे विराजस्व भव श्रीज्ञानदायिनी ।।2।।

नैकरूपाणि धृत्वैवं वस त्वं पृथिवीतले ।
इत्युक्त्वा च शिवं नत्वा माधुरी पृथिवीं गता ।।3।।

अत्रागत्य भृशं दृष्ट्वा अन्ते प्राप्ता च पार्वती ।
शिवेनोक्तं यथा तद्वत् सा लीनासीच्च मामखे।।4।।

हृष्टा प्रविश्य सानन्दं वेदवाग्वल्लभीमुखे ।
तदारभ्य च जिह्वायां मुखे लसति माधुरी ।।5।।

पार्वतीं मेलितुं सर्वे यदागच्छन्ति पाठकाः।
तदा गौर्यभिधाना सा ज्ञानेनानन्दतीश्वरी ।।6।।

शब्दा एव हि शस्त्राणि पुष्पाण्यपि भवन्ति ते ।
माधुर्या जीयते विश्वं माधुर्याश्रितसद्गुणाः ।।7।।

माधुरी हुतकोपादि: लीना ज्ञानाकरः खलु ।

     गौरवेण तथा प्रीत्या रीत्या नीत्यावमण्डिता ।।8।।

वेदवाङ्मयमग्ना सा चारुशीला सुमङ्गला ।
माहुलीकरवन्द्या मे ज्ञानरम्या सुनन्दना ।।9।।

शुभाः सन्तु हि पन्थानः पुनरागमनाय च । 
त्रैलोकस्य विना गौरीं मनः केनोपशाम्यते ।।10 ।।

अनुप्राससमायुक्ता माधुर्यशब्दमिश्रिता ।
जगन्मान्या हि गङ्गेव गौरीवाणी विराजते ।।11।।

  ।।  शुभास्ते पन्थानः ।।