धुंदली रात ही

            धुंदली रात ही          

                    

हा चंद्रमा या जीवनी 

देई मला संजीवनी

रात्रीस हा येई संगमा 

साथ देते तुला ही चांदणी.. 

शीत वारा तुला शीळ घालतो

वा-यासवे हा वृक्ष डोलतो

श्वासातुनी झंकारली 

शृंगारली ही रागिणी .. 

माळावरी गालावरी

हासती फुले गोडगोजिरी...1

हा चंद्रमा ही चांदणी 

देई मला संजीवनी..

रेखावली तुझी भारावली

माझ्यासवे ती नादावली

प्रीतीत ही धुंदावली

रंगावली तुझी ऐसी रंगली.. 

रंगून दे मला रंगांसवे 

माझ्या मनीच्या गोड पाखरा.. 2

हा चंद्रमा ही चांदणी 

देई मला संजीवनी...

सर्व सार हे असार वाटू लागले

भारलेल्या मनास तूच तारले

असे शहारले उरी तरारले

तरंगातुनि बहार मन्मनी फुले.. 

गंधासवे बंधामध्ये

माझ्या मनास या सदा न्हाऊ दे.. 3

हा चंद्रमा ही चांदणी 

देई मला संजीवनी...

                                      श्रीहरी